Entrevista

Gerson mas konhecido pa NUW TC. Ntem 22 anu, mi e de Ilha de Santiago, zona TC (Tira Chapeu)

komeço: Tudo komeça apartir de Dança, na nha zona tem 1 grupo k txoma TC Dancers. 1º grupo de dança hip hop na Cabo Verde e um de kes midjor. Nka sta fala de boka pa fora pamode nu da prova, dipos de munte vitorias dento de praia, tanbe nu ganha konpion de Cabo Verde. So k desde senpre presidente de nos grupo Alex gostaba de kanta, e txeu influenciado pa musikas merkanos principalmente R&B é bem kaba pa pega na el mas a serio. Djunto ku Just, Saulo, Nhaku, Manhanha e Tá surge grupo POMBA PRETO. Nha 1º musika kim grava foi "NOS ZONA", k kaba pa tem 1 grande sucesso na Cabo Verde intero.

Mi nfoi 1 de kes ultimu elemente k entra na grupo, mas nha nome era mas konhecido pa Nuw a.k.a (T.I). T.I foi 1 nome k rapaz de nha zona dam pmd es ta fla man ta kantaba mas se stylo.....dipos de alguns tempos alguns elementos de grupo kaba pa sai e fika Alex  ki  gossi é mas konhecido pa Kuumba, Manhanha, Nhaku e mi, NUW TC. Mas so k mi desde senpre ngostaba de fz nhas senas de nha manera e de manera kim gosta( satisfazi nha pessoa). Nkaba pa fz nha 1º mix tap a solo, kim dal nome de "nha mundo".

Na mix tap "nha mundo" tinha 1 musika k txoma "SUCESSO" ft. Manhanha. Musika la fz  txeu sucesso sima nome propi ta fla. E foi apartir de kel musika la k surge kel apelido de SUCESSO, pmd, dja na rua ninguem ka sta txomaba mi so de NUW TC mas!!!!! era so de SUCESSO. Dai bem fika kel nome SUCESSO....Musika fazedo video clip, ka ku tanto kualidade mas foi sima nkria. Dento nha zona e pa nha zona.

Nha 2º mix tap txoma "HUSTLE",  Kel mix tap k mas ngosta propi. Pamode musikas kim tem na el e pamode partisipasom de alguns artistas txeu konxedo dento de CV e na mundo e principalmente pmd es e nhas amigos, tipo (PAULINHA e TONY YAYO). Mix tap tem 10 musika, E representante de nha mix tap e kel musika "HUSTLE "ki par100 ma dja bu konxi.

Nfazel 1 video clip muto interesante.........pmd mi nta fala tudo kel kim ta odja na nha sociedade..........nka sta tenta influencia ninguem a fazi nada.....somente é 1 retrato de kel  k sa ta passa na CV.........

Kenha k gosta de nha stylo de musika pode siguin na youtube, twitter e Facebook "NUW  TC". Bu ka meste gosta de mi, si bu kzer bu pode gosta so de nhas musika..ja é suficiente. Obrigado pa tudo e nta spera ma nha nome ta vivi pa senpre na RAP KRIOLO.

                                               Videoo Clip_Hustle_nuw A.K.A. sucesso

   

Entrevista  ku Mucci (S.O.S.)

Tradibo ta dexou sabi um poco mas sobre és jovem talentoso "Mucci"

"Sobre Sos

S. dja sta pronto pa transforma vida "MUCCI" en CD
2011"

"un nanci na coquero conxedo pa muchy de nhu primo la bera sapacocu un cria na pobresa mas feliz, ti nhas 12 ano inda un ca tinha nenhun sentimento pa rap é ca ta flaba mi nada nha primero contacto ku es genero de musica foi kanto djedje lanza dilema y hoge n ca sabi flou si un prende cantal pamode un gostaba ou ce pamode é staba na moda mas un pode flou ma gracias a kel musica la y nha profesora de sesta clase un descubre ma un tem talento pam escrebe e ma hip hop viven na sangui sem un da conta. Un tinha dilema escrito na um folha pam prende canta e nha profesora ratxan el na tenta torna escrebel un ecrebe nhas primeros rimas ki ka tenha nada ver ku kes de djedje ki un cre prendeba por iso nha maior influencia na rap é djedje un enfrenta sima tudo mc de nha terra kel falta de apoio y na kes momentos la bu ta sabi kem ke bus verdaderos amigos ce ca era pa mikax, jota,gotta,odair,lenira, djan disistiba pamode kes ki ta flou ma bu ca podi é muto mas tcheu ki kes poco ki ta acredita na bó hoge dja pasa 12 ano gosi un teni 24 pa tras fica kes 2 bes ki un pega mic ki un treme e un ca pude canta fica na vergonha kes ki fla ma nunca un ca ta grava fica pa tras nhas medos, musica dexa de ser un sonho e pasa ta ser real mutchy hoge tchoma s.o.s y nhas pensamentos hoge é rap nada é ca imposivel e ti inda un tem falta de apoio un ca tem ninguen pa un pasa mic hora ki un cansa hora ki ar faltan ninguen pa flam un ta atcha ma kel palavra la ta rimaba midjor ku keli un tem sim amigos ki ta dedica a otu cusa mas ki tambe ta dedica a apoian familia ki ta apoian pami é keli ke importante.um teve imfluencia de B.I.G, 2 PAC, R.KELLY, NAS, mas nhas letras ki un ta escrebi nhas unicos influencia sobre es ki tem é nhas pais pamode nenhun motivo des mundo ca ta pom sigue un caminho diferente de kel educason kes dan one love pa hip hop criolo y pa tudo kes ki ta obil."

Como começas-te a tua carreira musical?

Ami ku 12 ano n’obi “Dilema” de DjeDje un intende ma un tenha jeito pa asunto mas teve que pasa otu 12 ano pam começa nha carrera, foi canto un tchiga na Bolivia kel distancia e kes novos lison ki vida dan alimenta nha forma de escreve e fazen reflecte mas tcheu sobre cuse kim cre e un da conta ma musica era nha unico manera de combate tudo kel kim esta xintiba un conxe uns bolivianos pali ki dan kes feramenta necesario ou seja leban pa estudio un grava nha primero son ki foi “Nha Terra” e la nha carrera  começa n’lança nha primero mixtape ki foi “Sangui Sor & Lagrima”

O grupo para além da música faz outras coisas?

Ya nós è tudo estudante kela que foi razon ki djuntano li e de kel junson la ki nanci nòs musica 

Quem escreve as tuas letras de música?

Nhas letras tudo è escrito pami sempre foi nha forte ami un escrebe desde kim tenha 12 ano e nunca un para ouve tempo kim pensa ma nunca un cata tenha kel oportunidade de canta e la un ta atchaba ma nha don era de escrita ou seja ti inda un ta atcha.

Quem produz as Tuas Faixas musicais?

Que ta abastecen mas tcheu é nhas  Irmons MKX & OC Beatz mas tb nes ultimo projecot un trabadja ku productores de li de Bolivia sima Resp (Recorridos) e Omar Cerf (Rumo) 

Esperavam ter tanto sucesso assim?

Na verdade um sempre ta sunha ku odja kel ke ta fazi aceitado pa tudo alguem mas objectivo primario ca foi sucesso ou seja ami un canta pamode era un somho e despos è foi um forma de canaliza kes sentimentos ki kem ki ta vive fora dja conxe e sabi ma guardal è xato agò claro que canto è tchiga na otus pessoas e es curte e odja nha musica espadjado pa tudo lado ta dexan contente e orgulhoso

Como esta o nosso Rap?

Ami sempre un atcha ma nòs rap tem tcheu potencial un ta odja mesmo rapaz de nha grupo e munti rappers kim ta curte ta canta ta dexan satisfeito mas tambe cata da pa nega ma tem tcheu cusas pa midjora infelizmente na CV tudo cusa ta odjado como moda e nòs rap foi mas um vitima de kela e hora ki alguns sata fazi meritos pa nós rap ser ruspetado otus cata dexa kela contice sò pamode tudo mundo cre parce e hoge midjor manera è ku rap.

O que falta para colocarmos o nosso “Rap la di riba”?

Keli è parte ki tcheus cata curte mas è verdade pa nòs rap vence cada um tem ki intende ce posison nu ca pode ser tudo rappers.

Sima cualquer arte è presiso mas que esforço pa bu ser bom tambe é necesario talento nòs tudo nu pode ser fan de rap mas nempor isso nos è rapper kela ki cata dexa nòs rap esta mas pala pamode pessoas ki ta obi cata da valor a grande parte de nòs rap pamode è mal feto ou seja è ca feto pa rapper.

Hora ki cada um intende ce papel ma tem kel ki ce funson è divulga, kel ki ce funson è obi e kel ki ce funson è fazi nós rap ta fica mas leve e é ta pode subi la de riba

Tiveram muitas dificuldades no primeiro Video Clip “Nta Luta”? Nomeadamente a sua realização e apoio?

Nu teve dificuldade mas ca grandes pamode graças a dios undi ki nu esta hoge è muto mas facil fazi cusas.

Cusas ke ca facil fazi na otus partes undi caboverdianos esta pamode li nivel de vida è muto mas economico kela djudano tcheu.

O segundo foi mais fácil e teve mais apoio?

Ya segundo dja foi um cusa dja mas planificado dja nu conxeba productora dja nu sabia ces nivel de trabadjo era ki tal e tambe dja nu tenha conseguido patrocinio ou seja foi um trabadjo menos estresante que kel primero e é tomano muto menos tempo 

Quando lançaram o Video Clip “Nta Luta” não tiveram medo não ser bem aceito na sociedade?

Nau pamode dja era um musica conxedo que esteve tcheu tempo na radios foi primero lugar de top 7 unton guentes dja conxeba el e kela foi um de kes razon ki pom escodjel pa fazel clip.

Dá para fazer da Música tua vida?

Musica dja è nha vida agò tem ques aspecto economico que nu sabi me dificil satisfazi ku musica principalmente nes epoca li de pirataria cata dexa alguen ganha nada e tudo mundo cre obi bu musica e ca cre paga pa el unton kela dja ta obrigan a fazi otus tipos de actividade pa nha arte pode sobrevive.

Na tua opnião, diz porque que o Rap em Cabo Verde tem tao pouca audiência comparado com outros países?

É ca pamode è tem poco audiencia é sò ki nu tem ki intende me um pais ku poco alguen e nos rap tem ki compite ku munti generos mas comercial kela dja ta dexal reduzido a um grupo menor de pessoas por iso munti alguen tem ki dexa de iludi ces cabeça ku es genero li pamode è cata sirbe como saida pa um vida economico midjor è um arte que nu tem ki fazi pa amor a camisola e nada mas e si manhan è alcança topo na CV ta ser rei de bom mas hoge kela è ca nós realidade por iso que ques ki sata obido è sò kes ki sata fazel por amor a rap.

Na tua opnião, diz o que nos (todos os cabo-verdianos) devemos fazer para que o nosso Rap tenha mais valor?

Nu tem ki fazel sem pensa na cuse que nu pode recebe nu tem ki obil e intendel é um forma de educason tantos rappers ta fala de problema social na nòs terra que nunca cata muda e despos ta bai e ta canta na campanha pa kel mesmo partido ke critica kela cata desvaloriza artista è ta desvaloriza nos rap sima un fla antes si um cre vive midjor è ca pode espera pa ce musica pamode nós musica na cv nòs ki tem ki alimental. pa nòs rap midjora nu tem ki vivel na dia a dia kel ki rapper canta è kel ke tem ki fazi e kel que nós nu ta obi ce algo bom positivo nu tem que aplical na nòs vida sò si ki nu ta pode começa codje fruto de nos rap, sò si que nos Rap ta tem ce valor.

Quem é que consideras o melhor Raper (a) do Hiphop cabo-verdiano?

Ami n’ca tem kel 1 rapper preferido kela ta serba injusto munti rapaz ta pasan cusas kim ta curte mesmo mas sim tem ki resume nha lista un ta fica Pex, GG, Stars.

Quem é a tua fonte de inspiração?

Nha maior fonte de inspirason é nha Mai ku nha Pai pamode educason kes dan que pilar de nhas musicas un cata fazi nada que ta bai contra kel ques inxinan.

                                                    New video clip "Nós 2 é Amor - S.O.S"